A asociación Aquilino Iglesia Alvariño de Muimenta presenta a nova directiva
A Asociación Cultural Aquilino Iglesia Alvariño de Muimenta fixo a presentación da nova directiva do colectivo, que cambiou recentemente e que preside Delia Basanta.
Acompáñana como vicepresidenta Paula Francos Anllo; secretaria, Marta Iglesias Muíña; tesoureiro, Javier Morán Gueimonde e como vogais figuran Kory Alvrz, Daniel Francos Anllo e Óscar Chavarria Agrelo.
Segundo explica a nova asociación, "queremos traballar para seguir dinamizando Muimenta como o pobo que nos ve medrar, un pobo con actividades culturais para todas as idades e gustos, nas que participemos e das que aprendamos compartindo con alegría e sobre todo facendo comunidade"
Engaden que están abertos a todas as suxestións que sumen para facelas chegar a través do Facebook da asociación, do correo electrónico (acaquilinoiglesiaalvarino@gmail.com), ou en persoa.