A Asociación Contra o Cancro de Guitiriz organiza a súa cea anual o sábado

Para aquelas persoas que non poidan asistir pero desexen colaborar, existe a posibilidade de participar mediante a modalidade de mesa cero

A Asociación Española Contra o Cancro en Lugo organiza a súa X Cea Benéfica en Guitiriz, un evento solidario que terá lugar o vindeiro 22 de marzo ás 21:00 horas no restaurante La Casilla. O prezo do menú é de 25 euros, e os interesados poden recoller as súas entradas no local da asociación situado na Rúa do Concello, número 9, local 3 baixo dereita, en Guitiriz (27300).

Ademais, para aquelas persoas que non poidan asistir pero desexen colaborar, existe a posibilidade de participar mediante a modalidade de mesa cero. A organización anima a toda a veciñanza a sumarse a esta causa solidaria, contribuíndo así na loita contra o cancro.