A Asociación Cultural Aquilino Iglesias Alvariño celebra o seu 40 aniversario

O vindeiro domingo 3 de setembro a Asociación Cultural Aquilino Iglesias Alvariño celebra o seu 40 aniversario cunha festa no río.

O vindeiro domingo 3 de setembro a Asociación Cultural Aquilino Iglesias Alvariño celebra o seu 40 aniversario cunha festa no río. 

A área recreativa Ribas do Miño, en Muimenta, sera a encargada de acoller este evento que dará comezo cunha sesión vermú a cargo do Dúo Venus. 

A continuación haberá un xantar con menú de paella, solombo, pan e sobremesa con cafe e licores. Para os menores de 4 anos a comida será gratuíta e para os nenos de entre 5 e 10 anos terá un prezo de 15 euros. O prezo para os adultos será de 30 euros. 

Pola tardiña o Dúo Venus volverá a por a música e haberá animación infantil a cargo de Vingolea e xogos tradicionais con Xotramu.