A Asociación Cultural e Veciñal de Xiá celebrará o seu magosto o vindeiro 8 de novembro
A Asociación Cultural e Veciñal Xiá organiza o seu Magosto 2025, que se celebrará o vindeiro sábado 8 de novembro cun xantar a partir das 14:00 horas. O encontro contará cun menú típico destas datas, composto por callos, cachelos con chourizo e lacón, ademais de auga, viño, gaseosa, sobremesa e café.
O prezo da comida será de 20 euros para socios e 25 euros para non socios, establecéndose un aforo máximo de 150 persoas. O prazo de inscrición permanecerá aberto ata o 2 de novembro e as reservas poden facerse a través dos teléfonos de contacto da organización: Suso (676 370 740), Chus Viña (667 091 533) e Chus Seren (605 568 858).
Desde a Asociación destacan que, tras o xantar, a festa continuará pola tarde con diferentes actividades de convivencia, nas que non faltarán os xogos, a música, o baile e as conversas ao redor dun bo conto, mantendo o espírito tradicional e festivo do magosto.