A Asociación Cultural Lembranza da Vila celebra o seu Magosto o 8 de novembro en As Pontes

As persoas interesadas en participar deberán anotarse no Local Social os días 4, 5 e 6 de novembro

A Asociación Cultural Lembranza da Vila organiza o seu tradicional Magosto o vindeiro 8 de novembro de 2025, a partir das 14:30 horas, no Local Social da entidade.

A celebración contará cun menú típico do outono galego composto por xamón cocido con cachelos, chourizos, costela e castañas, acompañado de viños, auga, refrescos, café e licores.
As persoas interesadas en participar deberán anotarse no Local Social os días 4, 5 e 6 de novembro, en horario de 17:00 a 19:00 horas.

O evento, que busca manter viva unha das tradicións máis populares do outono en Galicia, contará coa colaboración do Concello das Pontes e pretende ser unha xornada de convivencia, boa comida e espírito comunitario entre veciños e socias da asociación.