A Asociación Cultural Penas de Rodas organiza unha actividade de pandeireta e canto
A Asociación Cultural Penas de Rodas anuncia unha nova actividade de pandeireta e canto que se desenvolverá entre os meses de xaneiro e maio de 2024. O obxectivo principal desta iniciativa é formar un grupo de cantareiras e cantareiros, aberto a persoas de todas as idades e sen necesidade de contar con experiencia previa.
As sesións terán lugar os domingos cada 15 días, cunha duración de dúas horas por xornada, de 11:00 a 13:00. A actividade require un grupo mínimo de 5 participantes para poder levarse a cabo.
O custo da inscrición será de 15 euros para socios da asociación e 20 euros para non socios.
As persoas interesadas en participar teñen ata o 15 de decembro para formalizar a súa inscrición, enviando unha mensaxe ao correo penasderodas@yahoo.es ou contactando directamente con algún membro da directiva.