A asociación de Cabreiros presenta as actividades para iniciar o outono
A asociación veciñal de Cabreiros pon en marcha unha serie de actividades a desenvolver durante o inverno.
Así, retomarán o club de lectura, que se iniciou o ano pasado e que se reúne cada último xoves de mes na casa escola de Cabreiros. As persoas que desexen anotarse poden facelo no 686 104 780.
Ademais, está previsto un curso de pandeireta, que se desenvolverá os sábados de 11.00 a 12.30 horas cun prezo de 10 euros para socios e de 15 para os non socios. Tamén ofrecen a posibilidade de tocar outro instrumento. O teléfono para anotarse é o mesmo.
Por outra banda, realizarán o martes 1 e o xoves 3 unha demostración gratuíta de ximnasia, de 19.00 a 20.00 e de 20.00 a 21.00 horas co obxectivo de probar.
Finalmente, o día 19 de outubro terá lugar un obradoiro de conservas artesanais qeu se desenvolverá por parte da Asociación A Estruga no Empalme.
Terá unha duración de 4 horas e pode escollerse mañá ou tarde. Esta actividade ten un prezo de 25 euros para socios e 40 para non socios.
Nestas dúas últimas actividades o teléfono de contacto para inscrición é información é do 606 282 251.