A Asociación de Mulleres Rurais Cousas Nosas celebra a súa xuntanza de verán o 6 de xullo
A Asociación de Mulleres Rurais Cousas Nosas organiza a súa tradicional xuntanza de verán o vindeiro domingo 6 de xullo de 2025, a partir das 14:00 horas. A celebración terá lugar na parte baixa da antiga Cámara Agraria e incluirá unha animada sesión vermú seguida dun xantar.
A xornada está pensada para gozar en boa compaña, con comida, risas e música para bailar. Os prezos para asistir son de 20 euros para socios e 35 euros para non socios. No caso das fillas e fillos das persoas socias, os menores de 6 anos poderán asistir de balde e os nenos e nenas de entre 7 e 11 anos terán unha cota reducida de 10 euros.
As persoas interesadas deben inscribirse antes do 27 de xuño de 2025. Desde a organización animan a participar nesta festa pensada para compartir, celebrar e fortalecer os lazos comunitarios no ámbito rural.