A asociación de Pino convoca clases de baile de salón a partir de decembro

A actividade terá lugar no local social Escola de Pino todos os venres, en horario de 20:00 a 21:15 horas

A Asociación Recreativa e Cultural de San Martiño de Pino organiza unhas clases de bailes de salón que comezarán o vindeiro venres 13 de decembro. A actividade terá lugar no local social Escola de Pino todos os venres, en horario de 20:00 a 21:15 horas.

As clases estarán dirixidas por Nerea Cobas, quen guiará ás parellas participantes no dominio de distintos estilos de baile. Os prezos das clases serán de 35 euros por mes por parella para socios e 45 euros por mes por parella para non socios.

Esta iniciativa preséntase como unha excelente oportunidade para aprender, practicar e desfrutar do baile en boa compañía, mentres se fomenta a cultura e a convivencia.

Para máis información ou inscricións, hai que contactar coa organización.