A Asociación de Veciños de Cabreiros celebra o Entroido 2025 cun gran cocido e música en directo
A Asociación de Veciños de Cabreiros organizará unha gran festa para celebrar o Entroido 2025 o vindeiro sábado, 22 de febreiro, na Casa Escola do Chao. O evento contará cun completo menú típico destas datas e unha actuación musical en directo para animar a xornada.
O programa gastronómico inclúe sopa de cocido e un cocido completo composto por lacón, cacheira, botelo, chourizos, grelos, garavanzos, cachelos e freixós da pedra, entre outros. O menú completarase con sobremesa, café e gotas. Os prezos serán de 28 euros para socios e 35 euros para non socios.
A festa estará amenizada pola actuación musical de Javi Show, garantindo diversión para todos os asistentes.
As persoas interesadas en participar deberán adquirir os seus tickets antes do 16 de febreiro, podendo facelo a través de calquera membro da directiva da asociación.