A Asociación de Veciños de Corbelle celebra o tradicional magosto o 9 de novembro

Para participar, os interesados deberán anotarse antes do 5 de novembro

A Asociación de Veciños de Corbelle organiza unha festa de Magosto o vindeiro sábado, 9 de novembro, ás 14:30 horas, na Casa Escola de Corbelle. Este evento, dirixido a todos os socios e socias, ofrecerá unha tarde de celebración e boa compañía, amenizada polo dúo Pedriñas.

Para participar, os interesados deberán anotarse antes do 5 de novembro, realizando a reserva a través dos teléfonos 696 451 692, 690 795 015 ou 636 697 929.

O magosto é unha das celebracións máis queridas no outono galego, onde as castañas e a música tradicional toman protagonismo, e esta ocasión promete manter viva esa tradición nun ambiente festivo.