A Asociación de Veciños Santiago de Sancovade organiza un obradoiro sobre plantas medicinais

Terá lugar o 16 de novembro e a data límite para inscribirse é o día 3

O 16 de novembro, a Asociación de Veciños Santiago de Sancovade impartirá un obradoiro sobre plantas medicinais, que terá lugar entre as 10:00 e as 14:30 horas. Durante a xornada, os asistentes aprenderán a elaborar catro produtos cosméticos para o coidado persoal e outros catro produtos de limpeza sen químicos, reducindo así os residuos contaminantes.

A data límite para inscribirse é o 3 de novembro. Para máis información, os interesados poden contactar con Almudena no teléfono 698 185 859 ou con Lucía no 651 478 916.

Este obradoiro está organizado coa colaboración da Deputación de Lugo, o programa MaB Unesco, Terras do Miño, e Milhulloa.