A Asociación recreativa e cultural de San Martiño de Pino organiza unha viaxe a Allariz

Esta excursión incluirá a viaxe en autobús desde Cospeito ata Allariz, onde visitarán o Museo do Coiro, o Museo do Xoguete e o Museo da Moda

A Asociación recreativa e cultural de San Martiño de Pino, coa colaboración da asociación veciñal O Cruceiro de San Pedro de Seixas, organiza unha viaxe a Allariz o vindeiro 15 de decembro.

Desta maneira, as persoas interesadas en participar, poderán apuntarse ata o vindeiro 8 de decembro e pagar un custo de 45 euros no caso dos socios, e de 55 euros os que non son socios.

Esta excursión incluirá a viaxe en autobús desde Cospeito ata Allariz, onde visitarán o Museo do Coiro, o Museo do Xoguete e o Museo da Moda, así como verán a vila de Allariz decorada polo Nadal.