A asociación veciñal de Cabreiros celebrará en Tui as xornadas de sendeirismo
A Asociación de Veciños de Cabreiros organiza as Xornadas de Sendeirismo 2025, que se celebrarán os días 11, 12, 13 e 14 de setembro en Tui. A actividade inclúe rutas polo Monte Aloia, Muíños do Foulón e Picón e o Monte Santa Tegra, permitindo aos participantes descubrir a riqueza paisaxística e natural desta contorna.
As xornadas inclúen o aloxamento durante tres noites en réxime de media pensión no hotel Alfonso I de Tui, así como almorzos, bocadillos e ceas para os participantes, agás o bocadillo para a ruta e a comida do último día, que non están incluídos. O prezo da actividade será de 220 euros por persoa.
A data límite para anotarse é o 15 de xullo e as persoas interesadas poden solicitar máis información e realizar a inscrición chamando ao número 686 104 780. Desde a asociación recomendan que se formalice a inscrición canto antes debido á alta demanda de prazas hoteleiras nestas datas, co obxectivo de garantir a participación de todas as persoas interesadas nesta actividade de convivencia e natureza.