A asociación veciñal de Pino convoca un club de lectura que se inicia en febreiro

Lerase un libro ao mes e se reunirán o primeiro domingo na biblioteca rural da parroquia

A Asociación de Veciños de San Martiño de Pino, en Cospeito, pon en marcha este 2025 un club de lectura dirixido a toda a comunidade, que se desenvolverá na Biblioteca Rural que puxo en marcha a asociación. A iniciativa busca fomentar a lectura e crear un espazo de encontro e diálogo arredor dos libros.

O club reunirá os participantes cada primeiro domingo de mes ás 16:00 horas, e a asociación facilitará un libro ao mes para todos os inscritos. Ademais, a entidade súmase ao reto lector organizado pola Biblioteca Pública de Vilalba, polo que anima a todos os veciños interesados a contactar con algún dos membros da directiva para unirse a esta actividade.

A primeira reunión terá lugar este domingo, 2 de febreiro, ás 16:00 horas na biblioteca.