A Banda da Loba actuará durante as festas patronais de Vilalba
O Instituto de Estudos Chairegos (IESCHA) impulsa unha nova cita musical dentro das festas patronais de Vilalba coa celebración do concerto Lovismo, a cargo do grupo A Banda da Loba.
A actuación terá lugar o venres 29 de agosto de 2025 ás 22:00 horas no auditorio municipal, converténdose nun dos pratos fortes da programación cultural da vila.
O concerto conta co financiamento e patrocinio da Área de Cultura da Vicepresidencia da Deputación de Lugo, así como coa colaboración do Concello de Vilalba e de Seispés Producións, o que permitirá ofrecer ao público unha proposta musical de calidade no marco das festas grandes da localidade.
Desta maneira, o IESCHA volve apostar pola dinamización cultural e musical, achegando a Vilalba un espectáculo que promete reunir a numerosos asistentes e reforzar o atractivo das celebracións.