A biblioteca de Muras celebrará o Día do Libro agasallando aos novos socios

A biblioteca de Muras celebrará o Día do Libro, que se festexa o 23 de abril, agasallando cun libro aos novos socios

A biblioteca de Muras, que vén de regularizar horarios e actividades, celebrará o Día do Libro, que se festexa o 23 de abril, dun xeito especial.

Así, todos aqueles que se acheguen a este cengtro en abril e maio a facerse socios do centro ou mesmo a cambiar o seu carné para Muras recibirán un libro como agasallo.

A biblioteca de Muras vén de reorganizarse e mudar o seu horario de atención ao público.

Así, agora estará aberta de luns a vernes en horario de tarde entre as 14.30 horas e as 20.00 horas. Ademais, abrirá dous días á semana polas mañás, que serán os martes e xoves, de 9.00 a 14.00 horas.

Os responsables do centro poñen a disposición dos usuarios un correo para poder efectuar as consultas que desexen, biblioteca@muras.gal.