A biblioteca de Xermade convoca o concurso de poesía infantil de Nadal

Poderán participar nenos dende pequenos e ata 16 anos distribuídos en tres categorías

A Biblioteca Pública Municipal de Xermade convoca de novo este ano o Certame de Poesía Infantil Nadal 2024, organizado polas bibliotecas locais nunha primeira fase.

Poderán participar nenos dende pequenos e ata 16 anos distribuídos en tres categorías. Na A estarán os que teñan ata 8 anos; na B os de 9 a 11 anos e na C os de 12 a 16 anos.

Os nenos e nenas seleccionados recibirán cadanseu diploma e lote de libros, amais participarán na fase provincial.

O tema do concurso é o Nadal e a peza non pode exceder dun folio tendo que ser en galego. O prazo de presentación é ata o 20 de decembro.

Para obter máis información sobre o certame, pode acudirse á biblioteca en horario de 15.00 a 21.00 de luns a xoves e o venres de 8.30 a 14.30 horas.