A CHMS repara unha escollera baixo unha ponte do río Trimaz en Xermade
![chms ponte rio trimaz xermade](https://terrachaxa.com/wp-content/uploads/2021/09/chms-ponte-rio-trimaz-xermade.jpg)
A Confederación Hidrográfica do Miño-Sil, Organismo autónomo dependente do Ministerio para a Transición Ecolóxica e o Reto Demográfico, traballa na reparación dun tramo de dique da marxe esquerda do río Trimaz, debaixo da ponte da AG-63, km 43, ao seu paso polo municipio lucense de Xermade.
Supervisou os traballos o presidente do Organismo de conca, José Antonio Quiroga, acompañado polo alcalde da localidade, Roberto García.
A autovía AG-64 no seu km 43 cruza sobre o río Trimaz; neste punto construíuse un dique en ambas as marxes para protexer, tanto o estribo da ponte, como a estrada existente baixo o mesmo e paralela ao leito.
O río foi erosionando a marxe esquerda co paso do tempo ata chegar á situación actual onde o dique desta marxe está totalmente derruida.
O obxectivo das actuacións é a estabilización da ribeira do río a través da reconstrución e estabilización do muro do dique actual, para evitar que a erosión, en momentos de intenso caudal, termine por afectar á estrada paralela.
Para a reconstrución do dique reutilizaranse as pedras desprendidas ademais de achega de novas pedras de dique e o trasdós encherase con material granular.
O importe das obras ascende a 47.200€ e o prazo de execución finaliza durante a primeira quincena de outubro, aínda que, se as condicións climáticas permitíseno, podería terminarse a finais de setembro.