A Confederación estuda novas obras de depuración en Guitiriz

A Confederación Miño-Sil e o Concello de Guitiriz estudan novas obras que completen o saneamento e a depuración deste concello.

José Antonio Quiroga, presidente da Confederación Hidrográfica do Miño-Sil (CHMS), e Marisol Morandeira, alcaldesa de Guitiriz, mantiveron un encontro de traballo para abordar varios proxectos que completen a optimización do sistema xeral de saneamento e depuración do municipio.

As obras necesarias consisten na execución de distintas melloras a EDAR, como a instalación dun desarenador que evite a chegada de áridos á planta e distintos cambios no pretratamento que melloren a segregación e a retirada dos mesmos, todo iso co ánimo de evitar o desgaste prematuro das bombas da planta e dos bombeos á rede, entre outros traballos.

En relación ao sistema de saneamento, sería necesario o arranxo do colector da rúa Ferrocarril, de máis de 1 km de lonxitude, que presenta graves deficiencias e provoca verteduras recorrentes ao leito.

Estas actuacións complementarían as xa comprometidas a través do convenio de colaboración asinado o pasado 18 de marzo entre ambas as administracións.