A confraría de Meira celebra o 17 a súa asemblea anual

Dará comezo ás 12.00 horas cunha asemblea xeral na igrexa

Cartel da xuntanza

A confraría Nosa Señora do Pedregal de Meira celebrará o día 17 a súa xuntanza anual, que dará comezo ás 12.00 horas cunha asemblea xeral na igrexa, antes da misa, que dará comezo ás 13.00 horas.

Finalmente xuntaranse todos para a súa comida no pavillón municipal de Meira. As persoas que desexen participar poderán comprar os tíckets na librería O Pedregal a un prezo de 15 euros para socios e 25 para o resto.