A Coral Municipal Virxe do Monte actuará na Igrexa de Meira este domingo
A Coral Municipal Virxe do Monte, do concello de Cospeito, ofrecerá unha actuación especial este domingo, 19 de xaneiro, na Igrexa de Meira. O evento, que terá lugar ao rematar a misa dominical das 13:00 horas, contará cun repertorio variado de cancións, sendo unha oportunidade para gozar da música coral nun enclave único.
Desde a Coral agradeceron a acollida do párroco de Meira, Miguel Asoeré, e animaron aos veciños e visitantes a participar desta xornada cultural e espiritual. Ademais, destacaron que a entrada será de balde, facilitando que todo o mundo poida asistir.
“Gústanos levar cultura aos devotos e pensamos que a Igrexa de Meira é o lugar perfecto para combinar fe e música”, afirmaron desde a Coral. Tras a actuación, os asistentes tamén poderán aproveitar para coñecer mellor a vila ou pasar pola feira local.