A Deputación achega 8.500 euros para impulsar o sector pesqueiro lucense
A voceira provincial socialista e Deputada de Turismo, Pilar García Porto, e o presidente Federación Provincial de Confrarías de Pescadores de Lugo, José Basilio Otero Rodríguez, asinaron un convenio de colaboración para impulsar o sector pesqueiro lucense.
A institución provincial achega preto de 8.500 euros para acadar os seguintes fins: pago de cotas anuais de pertenza a Consellos Consultivos Europeos e á Federación Nacional de Confrarías de Pescadores, así como o impulso de accións de divulgación.
A Federación de Confrarías de Pescadores xestiona e coordina os intereses comúns das seis confrarías de pescadores de Lugo, destacando principalmente o traballo de divulgación dos últimos anos a través de as campañas de promoción Mar de Lugo nas que se fai unha promoción da pesca artesanal buscando distinguir un produto de primeira calidade e os métodos de traballo tradicionais.