A Deputación aproba a celebración dunha poxa cos bens da nave de Begonte
A Xunta de Goberno da Deputación Provincial de Lugo aprobou a tramitación do procedemento para o alleamento dos efectos almacenados na nave provincial situada no concello de Begonte por medio dunha poxa pública polo sistema da alza.
Segundo informou o deputado de Promoción Económica e Social, Pablo Rivera Capón, nas vindeiras semanas a Deputación sacará a convocatoria deste material, que se publicará na Plataforma de contratos da institución provincial e abrirase un prazo de 10 días para presentar as solicitudes.
Os elementos sairán á poxa nun único lote no que se atopan elementos moi diferentes como un camión ou un cortacéspede, elementos náuticos, ferramentas para traballar pedra, un depósito de auga, climatizadores, estruturas metálicas ou elementos para inmobles asistenciais.