A Deputación aproba novas obras do Plan Único por 12.500 euros en Muras
A voceira socialista do Goberno provincial, Pilar García Porto, anunciou que a Deputación aprobou dúas solicitudes, unha do Concello de Muras e outra do de Viveiro , para destinar a novas obras os 45.600 euros de remanentes que lles quedaron a estas entidades locais tras adxudicar as actuacións financiadas con cargo ao Plan Único 2018, tal e como permiten as bases deste programa de investimentos.
No caso do Concello de Muras, o investimento con cargo a remanentes é de 12.500 euros, unha contía que se vai investir en obras de conservación no cemiterio municipal desta localidade.
Pola súa banda, en Viveiro, o importe total dos remanentes é de 33.120 euros, que se destinarán á reposición de beirarrúas e firme de rodadura entre os números 10 e 16 da avenida de Vilalba. Para poder executar este novo proxecto, o Concello de Viveiro solicitou unha prórroga do contrato, que lle foi concedida. Teñen de prazo ata o 15 de novembro deste ano para executar as obras, e ata o 30 dese mesmo mes para xustificalas.