A Deputación de Lugo apoia a XXIX Feira da Cantería, Callos e Artesanía de Guitiriz
TerraChaXa
O deputado de Medio Ambiente, Carlos López, participou este domingo da xornada xunto con veciños e veciñas e outros visitantes
![Feira-da-Cantería,-Callos-e-Artesanía-Parga](https://terrachaxa.com/wp-content/uploads/2024/07/Feira-da-Canteria-Callos-e-Artesania-Parga.jpg)
21 Xul 2024
O deputado de Medio Ambiente, Carlos López, participou este domingo na XXIX Feira da Cantería, Callos e Artesanía de Guitiriz.
O evento, que organizou o Concello e a Asociación de Veciños do Campo da Feira de Parga, que conta cunha colaboración por parte da institución provincial, a través do Plan Único Deputación de case 7.000 euros.
Os veciños e veciñas que asistiron a esta cita puideron desfrutar do XXVI Certame de Cantería, a Mostra de Artesanía, así como múltiples actuacións musicais, degustacións e música, entre outras actividades.
Ademais, o XXVI Certame de Cantería que nesta ocasión reunía a 15 canteiros, premiou os seguintes canteiros: Javier Varela Quintás con Carneiro, que recibirá un premio de 750 euros; Nicolás Ricón Luis, con Acordeón, que recibirá 500 euros; e Marcos Fernández González, con Vaca, que recibirá 250 euros.