A Escola de Música de Guitiriz organiza un último campamento de verán musical

Está dirixido a nenas e nenos de 4 a 12 anos e levarase a cabo do 3 ao 6 de setembro

Cartel

A Escola de Música municipal de Guitiriz organiza o campamento de verán ‘Medrando coa música’, unha iniciativa que combina a aprendizaxe, o ocio e a conciliación e que está dirixida a nenas e nenos de 4 a 12 anos.

O campamento musical levarase a cabo do 3 ao 6 de setembro nesta ocasión en Parga, en horario de 10 a 14 horas, aínda que existe a posibilidade de facer a entrada ás 9 horas.

A inscrición é gratuíta para as persoas empadroadas en Guitiriz e as prazas son limitadas, cun máximo de 33 participantes. O prazo de inscrición estará aberto ata o 15 de xullo e poderá formalizarse de xeito presencial na casa do concello ou a través da sede electrónica.