A Escola de Música Municipal de Guitiriz protagonizou o Concerto de Nadal

O público puido gozar das actuacións do grupo de iniciación á música, o conxunto de guitarras e a Banda de Música Municipal de Guitiriz

Guitiriz celebrou o seu Concerto de Nadal o pasado 23 de decembro na Casa Habaneira organizado pola Escola de Música Municipal de Guitiriz (Esmuguitiriz), que comezou ás 19.30 horas e contou cunha destacada participación dos diferentes grupos da escola.

O público puido gozar das actuacións do grupo de iniciación á música, o conxunto de guitarras e a Banda de Música Municipal de Guitiriz, que ofreceron un repertorio especial cargado do espírito do Nadal.

Este concerto, impulsado pola Escola de Música Municipal e co apoio do Concello de Guitiriz e MUBAGUI, consolidou o seu papel como unha das actividades culturais máis entrañables destas festas, logrando reunir a veciños e visitantes nun ambiente festivo e familiar.