A Feira da Galiña de Mos será esta fin de semana
![Captura de pantalla 2019 10 09 a las 12.37.56](https://terrachaxa.com/wp-content/uploads/2019/10/Captura-de-pantalla-2019-10-09-a-las-12.37.56.png)
Este domingo será a Feira da Galiña de Mos, na parroquia de San Xiao de Mos, en Castro de Rei, na que os criadores desta afamada galiña amosarán na exposición os mellores exemplares.
A feira, que chega a súa décima edición, contará coa feira de artesanía e o tradicional concurso e exposición de exemplares desta raza, o cal comezará ás 10.30 horas e está organizado por Avimós, a Asociación de Avicultures de Raza Galiña de Mos. Ademais, xunto a exposición haberá un concurso a mellor parexa, mellor galo, e mellos pita.
Xa ás 11.30 será a Foliada de Bosende e despois chegará o punto principal da xornada, a degustación, que dará comezo ás 13.30 horas co reparto de racións a un prezo de 10 euros e que consistirán en polo, patacas, ovos e queixo con bebida engadida.
Previsiblemente, serviranse un total de 800 racións como anos anteriores, e os tickets poderanse adquirir nun stand colocado pola organización e estarán á venda dende dous días antes por parte da organización ou o mesmo día da feira.
No apartado musical, destaca a actuación do grupo Jose Amido de Roás ás 16.00, e para rematar a xornada haberá xogos populares pola tarde.
Tamén, se o tempo acompañá, contarán cunha exposición de coches clásicos.
![72166318_2431917443745277_5389274733378273280_o](https://terrachaxa.com/wp-content/uploads/thumbs/2019/10/72166318_2431917443745277_5389274733378273280_o-e1570617467969-200x299.jpg)