A Foliada de Primavera de Castiñeiro Milenario regresa o día 6
TerraChaXa
O sábado 6 de maio, a partir das 18.30 da tarde no local do Pobo da Asociación Veciñal do Castro, guiados por Branca Villares
![foliada primavera begonte castineiro milenario portada](https://terrachaxa.com/wp-content/uploads/2023/04/foliada-primavera-begonte-castineiro-milenario-portada.jpg)
30 Abr 2023
Castiñeiro Milenario volve celebrar este sábado 6 de maio, a partir das 18.30 da tarde no local do Pobo da Asociación Veciñal do Castro, a tradicional Foliada de Primavera.
Guiados unha vez máis por Branca Villares, festexarán un maio, "fermoso e florido, para dicir ata nunca a este longo inverno e saudar a entrada da primavera". Consistirá na recollida de flores, fentos e xestas pola zona antes de cantar unhas pezas arredor de nenos e maiores.
Despois do maio haberá uns petiscos para repoñer forzas e encarar a foliada libre, que dará comezo ás 21.30 horas.
Como novidade, este ano o cartaz da foliada foi deseñado por unha intelixencia artificial, coas palabras clave, nenos, nenas, flores de maio, paisaxe galega.
![foliada primavera begonte castineiro milenario](https://terrachaxa.com/wp-content/uploads/thumbs/2023/04/foliada-primavera-begonte-castineiro-milenario-200x200.jpg)