A hostalería de Mondoñedo invita a tapear
Mondoñedo organiza para os días 29 e 30 de novembro e 1 de decembro o seu XIII Concurso de Tapas.
A asociación de comerciantes, industriais e autónomos de Mondoñedo, conformada por 71 asociados, programa esta nova edición na que participan dez locais de hostalería, O Palique, A Bodeguiña, Vinoteca Segundo Centro Social, A Taberna de Galiana, Bodegón A Catedral, O Pasatempo, O Petisco, Amencer, O Rincón de Mondoñedo e O Porriño.
O horario do tapeo será os venres de 20.30 a 00.00 horas, o sábado de 12 a 15 e de 20.30 a 00.00 horas, e o domingo tan só en horario de medio día, de 12 a 15.
As tapas terá un prezo de 2 euros e poderanse degustar, e do mesmo xeito que en edicións anteriores, os clientes participantes na ruta entrarán no sorteo de fantásticos premios.