A III Edición do Festival de Microcine de Verano celebrarase en Meira o xoves
O vindeiro xoves 31 de xullo ás 21.45 horas, a Praza do Concello de Meira (Lugo) converterase nun espazo de encontro coa cultura audiovisual e a defensa do medio rural. Iberdrola e a plataforma contra a despoboación “Vente a Vivir a un Pueblo” celebrarán alí a III Edición do Festival de Microcine de Verán, un evento que busca poñer en valor a sustentabilidade, os valores e a calidade de vida no rural a través do formato audiovisual.
Durante a velada proxectaranse microcurtas de menos dun minuto de duración que foron recoñecidas en diferentes certames impulsados por Iberdrola e Cultura Inquieta, pola súa mensaxe a favor do desenvolvemento sostible e a posta en valor do mundo rural.
A cita será de balde e está dirixida a todos os públicos. As persoas asistentes poderán gozar non só das proxeccións, senón tamén de bebidas, palomitas e agasallos que se repartirán durante a noite, facendo da xornada unha auténtica festa da cultura e da vida no rural galego.