A ITV móbil agrícola estará en Cospeito a segunda quincena de xuño
TerraChaXa
A unidade móbil da ITV entre os días 13 e 30 de xuño en Cospeito para facer as inspeccións técnicas a vehículos agrícolas.
![tractor](https://terrachaxa.com/wp-content/uploads/2021/04/tractor.jpg)
28 Maio 2022
A unidade móbil da ITV agrícola estará entre os días 13 e 30 de xuño en Cospeito para facer as inspeccións técnicas a vehículos agrícolas.
O horario de atención será de 9.00 a 13.30 e de 15.15 a 18.00 horas, agás os venres, que será só de mañá.
A unidade móbil estará situada os dísa 13 e 14 no campo da festa de San Roque, en Arcillá; o 15 e 16 no campo da festa de Pino; entre o 17 e o 22 no recinto feiral de Feira do Monte; o 27 e 28 de xuño trasladarase ao campo da festa de Veiga de Pumar, e rematará entre o 29 e o 30 de xuño no polígono industrial de Muimenta.
Para participar é necesario pedir cita previa, chamando ao teléfono 902 30 90 00 ou a través da páxina web www.sycitv.com.