A ITV móbil agrícola estará en Guitiriz a partir do luns

As revisións faranse de 9.00 a 13.30 horas e de 15.15 a 18.00 horas agás o 6, 13 e 18, que será só pola mañá

Tractor

A unidade móbil da ITV estará entre os días 2 e 18 de setembro en Guitiriz para facer as inspeccións técnicas a vehículos agrícolas. Estará instalada no polígono industrial de Guitiriz os días 2 e 3, no campo da festa de Trasparga do 4 ao 6, no de de Pígara do 9 ao 11 e destrás do cemiterio de Buriz entre o 12 e o 18.

As revisións faranse de 9.00 a 13.30 horas e de 15.15 a 18.00 horas agás o 6, 13 e 18, que será só pola mañá.

Para participar é necesario pedir cita previa, chamando ao teléfono 902 30 90 00 ou a través da páxina web www.sycitv.com.