A localidade de Vilaseca, en Riotorto, arranca esta fin de semana as súas festas
TerraChaXa | AMariñaXa
O próximo sábado, 28, os veciños completarán o programa cun xantar popular, que contará coa animación musical do dúo Belinda
16 Mar 2026
A localidade de Vilaseca, en Riotorto, comeza esta fin de semana as súas festas patronais na honra a San Xosé e a Nosa Señora.
Os actos iniciaranse este sábado ás 13.00 horas con misa solemne, á que seguirá a procesión e a sesión vermú con Los Adrianos. Á noite repetirán na verbena, xunto á orquestra Triunfo.
O domingo continuarán as celebracións con misa ás 13.45 horas, procesión e sesión vermú prolongada co Grupo D'Cano.
O próximo sábado, 28, os veciños completarán o programa cun xantar popular, que contará coa animación musical do dúo Belinda. Previamente haberá oficio relixioso ás 13.45 horas. Á noite actuará en sesión verbena de novo o dúo Belinda.
A organización lembra que o campo da festa estará cuberto con carpa.