A localidade pontesa de A Esfarrapa está de festa a fin de semana

A partir das 15.00 horas do domingo terá lugar un xantar popular que estará animado pola música do grupo Pasión

Fin de semana de festa para A Esfarrapa, a localidade das Pontesa que rende homenxe a San Cristivo do Vilar.

A celebración dará comezo co misa e a procesión, ás 13.00 horas, ás que seguirá a sesión vermú, que está a cargo do dúo Caramelo.

Este mesmo grupo encargarase xunto ao dúo Venus da verbena.

O domingo tamén haberá misa e a procesión estará a cargo do grupo Axóuxere, para dar paso á sesión vermú con Pasión.

A partir das 15.00 horas terá lugar un xantar popular que estará animado pola música do mesmo grupo e no que se farán sorteos de agasallos.

O xantar contará con paella, churrasco, criollo, patacas, pan, bebida, tarta xeada e café.

A organización lembra que o campo da festa estará cuberto con carpa e que haberá cochonetas para os nenos.