A maxia porá o punto final nas Pontes ao programa Xoves na Biblio
TerraChaXa
A biblioteca das Pontes remata mañá os Xoves na Biblio deste curso cun pouco de maxia. Hoxe toca... maxia!: un espectáculo sorprendente.
26 Maio 2021
A biblioteca das Pontes remata mañá os Xoves na Biblio deste curso cun pouco de maxia. Hoxe toca... maxia!: un espectáculo sorprendente, misterioso, divertido e máxico para calquera ocasión e para todos os públicos a cargo da compañía Magia en la Manga.
Será ás 18.00 horas no auditorio municipal Casa Dopeso e está dirixida para nenos e nenas a partir de 5 anos. Necesitarase inscrición previa na Biblioteca Municipal (981 102 562).
"Moitas grazas a todos e todas por acompañarnos ao longo destes meses, esperamos que os espectáculos fosen do voso agrado. Xa estamos traballando na nova programación que empezará en outono", din dende a organización.
