A Minibanda ofrecerá esta fin de semana tres concertos en Vilalba

Será no auditorio o primeiro día e logo en Lanzós e Ladra

Cartel e Silvia Penide

A Minibanda na chega ás parroquias do rural vilalbés cun percorrido arredor do mundo, a través das cancións e danzas máis representativas dos diferentes continentes.

Baixo o espectáculo Un Mundo de Músicas, ó concerto inaugural do Auditorio Municipal (28 de xuño), seguiranlle outros dous máis os días 29 e o 30, a celebrar na Escola Habaneira de Lanzós e na Casa Veciñal de Ladra.

Esta peregrinación, rematará coa actuación, días máis tarde, na Cidade da Cultura de Santiago.

A agrupación, que cumpre xa o seu segundo aniversario, é un proxecto conxunto entre a Banda de Música e a Escola de Música de Vilalba, e dá a oportunidade aos seus membros de interpretar música de forma colectiva.