A Moexmu, que se presenta hoxe, recibirá o premio Milagrosistas do Ano
A Asociación de Veciños, Comerciantes e Industriais de A Milagrosa celebrará o vindeiro 25 de abril a súa tradicional gala Milagrosistas do Ano, na que se recoñecerá a labor das comisións organizadoras da Mostra Exposición Moexmu de Muimenta.
Este galardón chega no 40º aniversario desta veterana feira multisectorial, destacando a súa traxectoria "en beneficio da vida rural" e o seu impacto tanto en Muimenta como no conxunto da provincia.
O acto de entrega terá lugar no restaurante Manuel Manuel de Lugo ás 20:30 horas. Está prevista a asistencia do coordinador da Moexmu, José Manuel Rus, acompañado dunha representación das seis comisións organizadoras, previsiblemente cos seus respectivos presidentes.
Por outra banda, o programa da Moexmu, que se celebra a próxima fin de semana, terá a súa presentación oficial este luns, pola tarde, no recinto feiral Manuel Vila de Muimenta.