Ponte de Outeiro, en Castro, estará de festa
![68711620_658765954636500_9174981731252436992_n](https://terrachaxa.com/wp-content/uploads/2019/08/68711620_658765954636500_9174981731252436992_n-e1565262157281.jpg)
A parroquia de Ponte de Outeiro en Castro de Rei xa ten listo o programa das súas festas patronais, que se celebran na honra da Virxe da Portería e teñen as súas datas de celebración os días 7 e 8 de setembro.
As celebracións darán comezo co oficio relixioso a partir das 13.30 nos que haberá misa solemne. A continuación a sesión vermú estará a cargo da orquestra Essencia, que será a mesma que amenizará a verbena da noite xunto coa orquestra Cinema.
Xa pola noite, haberá fogos de artifico para o deleite dos veciños.
O domingo 8 continuarán as celebracións, nas que se repetirán os oficios relixiosos, a procesión e a sesión vermú, que nesta ocasión estará a cargo da orquestra Abanico. A procesión será coa banda de música de Meira.
Pola tarde,haberá unha festa para os máis cativos con xogos infantís e maxia a cargo do mago Roberto Lolo.
O fin de festa terá lugar coa orquestra Abanico, a mesma que se encargará da sesión vermú.