A parroquia vilalbesa de Carballido celebra as súas patronais

Estarán no apartado musical Fuxión Latina, Foliada de Ases e JB Son

A parroquia vilalbesa de Carballido festexa esta fin de semana á Virxe dos Remedios coas súas festas patronais.

As celebracións arrancarán o sábado 21 coa misa ás 13.30 horas seguida de procesión. O apartado musical contará coa orquestra Fuxión Latina, en sesión dobre a mediodía e á noite, e á verbena súmase Foliada de Ases.

O domingo repetirase o oficio relixioso á mesma hora e a sesión vermú e a verbena estará ao cargo de JB Son.

A organización lembra que o campo da festa estará cuberto cunha carpa.