A Pastoriza acolle as finais de Copa da Liga da Terra Chá de fútbol sala de base

Durante toda a mañá serán os últimos partidos de liga, comezando ás 10.00 horas

Cartel co horario

O pavillón da Pastoriza acolle este sábado as Finais de Copa da Liga da Terra Chá para as categorías de base de fútbol sala.

Así, durante toda a mañá serán os últimos partidos de liga, comezando ás 10.00 horas, co partido benxamín entre Guitiriz e Outeiro de Rei. Unha hora despois será a proba alevín Outeiro de Rei-Guitiriz. Este mesmo enfrontamento repetirase ás 12.00 horas pero na categoría prebenxamín.

Rematarán ás 13.00 horas coa proba infantil entre Pastoriza e Guitiriz, antes da entrega de trofeos.

Hoxe venres, será o primeiro dos partidos, ás 17.30 horas entre A Pastoriza e Guitiriz na categoría cadete.