A Pastoriza acolle un obradoiro de elaboración de produtos de limpeza naturais

Será este sábado, ás 11.00 horas no Ferrado Marelo

O vindeiro sábado 26 de outubro de 2024, de 11:00 a 13:30 horas, celebrarase un obradoiro de produtos de limpeza natural no Ferrado Marelo da Pastoriza. Este taller ofrece a oportunidade de aprender a crear produtos de limpeza sostibles e respectuosos co medio ambiente.

Durante o obradoiro, os participantes descubrirán os ingredientes máis eficaces para a limpeza do fogar, ademais de aprender fórmulas, mesturas e utilidades para o uso diario. Ao finalizar, cada asistente poderá elaborar os seus propios produtos de limpeza natural, perfeccionando as técnicas aprendidas.

A inscrición ten un custo de 40 euros e pode realizarse a través do correo electrónico ferradomarelo@gmail.com ou chamando ao 722 807 366.