A Pastoriza acolle unhas xornadas de adestramentos de karting para todas as idades
O Circuíto Municipal da Pastoriza converterase no epicentro do motor durante a Semana Santa coa celebración da 'Pastoriza Track Test', unhas xornadas de adestramentos de karting organizadas polo Concello da Pastoriza, en colaboración coa Federación Galega de Automobilismo e a Escola PTC (Perfeccionamento e Técnicas de Condución).
A actividade desenvolverase os días 19 e 20 de abril, e está dirixida a participantes de todas as idades, con últimos karts dispoñibles para nenos e nenas de 5 a 8 anos, de 8 a 12 anos e maiores de 13 anos.
O horario de apertura das instalacións será o 19 de abril ás 10:00 horas, con adestramentos desde as 10:30 ata as 19:30 horas. O 20 de abril, as instalacións abrirán ás 9:00 horas, e as actividades desenvolveranse de 9:30 a 17:00 horas.
Para máis información ou reservas, as persoas interesadas poden contactar a través do número 662 968 456.