A Pastoriza desvelou os gañadores da Copa de España de Minivelocidade
A Copa de España de Minivelocidade disputou a súa quinta e última cita da tempada no circuíto galego da Pastoriza. Os títulos en todas as categorías estaban en xogo polo que había moita tensión entre os pilotos implicados que querían redondear cun bo resultado.
As condicións do tempo foron determinantes e a choiva fixo acto de presenza o sábado durante os adestramentos libres para poñer máis ingredientes á competición. Xa os cronos e as carreiras do domingo disputáronse en seco cun tempo espectacular.
Gael García, Alejandro Castela e Juan López foron os máis rápidos nos adestramentos cronometrados de minimoto e, por tanto, colocáronse na primeira fila de grella para as carreiras. Nas dúas houbo o mesmo resultado sendo Gael o dominador absoluto e levándose o título despois de pechar un gran campionato. Alejandro Castela é o subcampión e Darío Gadea o terceiro clasificado.
Os cronometrados de MiniGP 110 deixaron a Javier Vigueras como o mellor seguido de Álvaro Chichurri e de Santiago Iglesias. Como en Minimoto, nesta categoría tamén se repetiu o resultado nas dúas carreiras. Vigueras gañou, colgándose a medalla de ouro, Chichurri foi segundo e Iglesias terceiro.
Moto5 é a única categoría que non terminou aínda a súa competición neste 2024 xa que quedan dúas probas por disputar. Mentres tanto, na Pastoriza, Víctor Culebes levou a pole, Neyzan Coll foi segundo e Izan Muyor terceiro.
Nas carreiras, Víctor fíxose coa vitoria en ámbalas dúas, pero na primeira, Muyor cruzou a meta segundo e Coll terceiro e, na segunda, estes dous pilotos intercambiáronse as posicións. Neyzan terminou segundo e Izan terceiro.
Minimoto Eléctrica
Salva Martínez, Luca Castro e Unai Vizuete conformaron a primeira fila de grella en Minimoto Eléctrica. Con Martínez como gañador das dúas carreiras, Markel Iturain viu a bandeira a cadros en P2 e Castro en P3 na primeira, e na segunda, Luca logrou ser segundo polo que Markel tivo que conformarse con pechar o top tres.
Salva Martínez, Unai Vizuete e Abel Caparrós levaron as medallas de ouro, prata e bronce, respectivamente, nesta categoría.
Por outra banda Shengbo Sun, José Luis Cagigas e Marcos Vinagre lograron para o crono cos mellores tempos en 160. Sun gañou as dúas carreiras e Cagigas e Vinagre repartíronse as outras dúas posicións de honra sendo José Luis segundo na Race1 e terceiro na Race2 e Vinagre segundo na primeira carreira e terceiro na segunda.
Así, Shengbo Sun é o campión de 160, Cagigas subcampión e Cristóbal Cañadillas terceiro.
En 190 Álvaro Lucas, Cesc Obiol e Enzo Zaragoza colocáronse na primeira fila para as carreiras despois de facer os adestramentos cronometrados e ser os máis rápidos. Lucas levou a vitoria nas dúas. Zaragoza e Obiol cruzaron a meta tras el na primeira e o mesmo Cesc e Alex Remesal na segunda.
Álvaro Lucas, Enzo Zaragoza e Alex Remesal recolleron as súas merecidas medallas ao finalizar o día.
Os tres primeiros clasificados de 160 e 190 acudirán esta fin de semana a MotorLand Aragón para gozar do Mundial de MotoGP convidados pola FIM e DORNA.
A entrega de trofeos e medallas aos campións, subcampións e terceiros clasificados pechou a fin de semana na Pastoriza coas autoridades locais moi implicadas desde o primeiro momento con estes pilotos que son o futuro da velocidade.
Elena Mendía, vicepresidenta da Xunta de Galicia, Óscar Viñas, Director Xeral de Política Territorial, Darío Cabaneiro, alcalde da Pastoriza, Marcos Lombardero, concelleiro de infraestruturas e Fina Méndez, concelleira de deportes, non quixeron perderse as emocionantes carreiras.