A Romaría Labrega da Chaira celebrará unha nova edición
![Captura de pantalla 2019 07 22 a las 12.12.37](https://terrachaxa.com/wp-content/uploads/2019/07/Captura-de-pantalla-2019-07-22-a-las-12.12.37.png)
A Romaría Labrega da Chaira celebrará unha nova edición nos Vilares de Guitiriz o 10 e o 11 de agosto con merendas na carballeira do Cancelo.
O sábado abre a xornada a ruta cabalar ás 10:30, e contará cun menú de empanada, costela asada con patacas, sobremesa, café e chupito, e todo isto por un prezo de 20 euros.
Máis tarde será a inauguración da III Mostra de artesanía e a Carreira Popular para a que será preciso inscribirse antes do 8 de agosto.
O pregón, que será ás 14:00 horas, correrá a cargo de Baldomero Iglesias "Mero", e despos haberá unha sesión vermú cos Varacuncas de Rodeiro.
Pola tarde haberá xogos populares infantís e xincanas e carreiras de cabalos, ademais do sorteo dunha xovenca de Rubia Gallega.
Para a cea poderánse degustar liscos e chourizos, e tamén haberá actuacións de Tantos nos tén e Cuarta Xusta.
O domingo 11 comezará cunha marcha en bicicletas coa colaboración dos BTTeiros Cova da Serpe. Acto seguidos será a sega con gadaña e o concurso de aciñado.
A música na sesión vermú correrá a cargo do grupo Xirandola e será a presentación dos Trapeiros dos Vilares.
Ás 15:00 será o xantar na carballeira de Cancelo, e despois os xogos populares tradicionais e a música con Xirandola. Ás 18:00 haberá unha exhibición de adestramento canino, e será o momento do Gran Prix coa carreira en cortacéspede. Máis tarde chegará a festa da escuma.
De novo para a cea poderánse degustar liscos e chourizos, e haberá un sorteo dun cofre fin de semana.
![FB_IMG_1563529830688](https://terrachaxa.com/wp-content/uploads/thumbs/2019/07/FB_IMG_1563529830688-e1563789643614-200x280.jpg)