Cultura

A festa comezará ás 17:00 horas e contará cunha ampla programación de actuacións individuais, foliada infantil e aberta, sorteos e unha cea popular

Este sábado 11 de abril celebrarase a III Foliada A Rumboia no Caseto da Feira de Gontán, un evento que promete unha xornada chea de música tradicional e bo ambiente.

A festa comezará ás 17:00 horas e contará cunha ampla programación de actuacións individuais, foliada infantil e aberta, sorteos e unha cea popular.

A organización corre a cargo da Asociación A Rumboia, que continúa apostando por este evento como un referente na dinamización cultural da comarca. A foliada conta tamén coa colaboración do Concello de Abadín, Estrella Galicia e a Deputación de Lugo entre outras.

Aqueles interesados en obter máis información poden seguir as redes sociais da organización para estar ao tanto de todas as novidades.