A SD Guitiriz organiza a súa Cea de Nadal no Restaurante La Casilla
A Sociedade Deportiva Guitiriz convida a todos os seus socios, afeccionados e simpatizantes a participar na súa Cea de Nadal, que terá lugar o vindeiro 21 de decembro ás 22:00 horas no Restaurante La Casilla. Este evento, pensado para celebrar o Nadal en comunidade, contará cun ambiente festivo e será unha excelente oportunidade para compartir momentos especiais coa familia do equipo.
As entradas teñen un custo de 25 euros para socios/as, 30 euros para non socios/as e 18 euros para os nenos/as ata 11 anos. As reservas pódense realizar de maneira presencial en A Cantina do Suso durante o horario de partido, ou contactando a través do número de teléfono 604 85 23 70. Tamén é posible enviar unha mensaxe ás contas de Instagram da SD Guitiriz ou da Cantina do Suso.
O prazo límite para adquirir as entradas remata o luns 16 de decembro. A SD Guitiriz anima a todos e todas a participar nesta celebración que será un reflexo do espírito de equipo e da ilusión coas que o club afronta estas festas.