A SD Guitiriz organiza unhas xornadas de portas abertas
A Sociedade Deportiva Guitiriz abriu, un ano máis, as súas portas para acoller a nenos e nenas nados entre os anos 2008 e 2021, ofrecendo unhas xornadas de portas abertas de forma totalmente gratuíta. A actividade desenvolverase no campo de fútbol Suso Cruz de Guitiriz e terá unha duración de dúas semanas, comezando o martes 29 de xullo e rematando o xoves 7 de agosto.
Os participantes están divididos en tres grupos segundo o seu ano de nacemento: o grupo 1 (2008 a 2013), o grupo 2 (2014 a 2017) e o grupo 3 (2018 a 2021). Os adestramentos están programados en diferentes horarios de mañá e tarde, dependendo do grupo e do día.
As próximas sesións serán o xoves 31 de xullo, pola tarde, de 18.15. 20.30, e o martes 5 de agosto, de 10.30 a 12.45 da mañá. A última sesión, o día 7 tamén será no mesmo horario de mañá.
Para reservar praza, é preciso contactar con calquera membro da directiva, adestradores ou ben a través do WhatsApp do club no número 604 852 370.
A SD Guitiriz anima a todas as familias a participar nestas xornadas, cun claro obxectivo de fomentar o deporte e o compañeirismo desde as idades máis temperás.