A segunda sesión do Guitiriz en Ruta reuniu a 35 participantes

Os asistentes fixeron un percorrido de 12 quilómetros nos arredores do río Mera en Lugo

O pasado domingo, 27 de abril, celebrouse a segunda saída da sétima edición do programa Guitiriz en Ruta: a Ruta do Río Mera, en Lugo, que foi a primeira andaina desta edición fóra do concello de Guitiriz.

En total, participaron 35 persoas neste percorrido de 12 quilómetros con saída e chegada na praza do Campo da Feira. Os e as participantes percorreron nunha estupenda mañá para o sendeirismo os arredores da cidade Lugo, comezando polo río Mera, seguindo cunha subida ó mirador de Pedras no monte Penarrubia e volvendo polos bosques máxicos do monte Segade.

A próxima saída do Guitiriz en Ruta está programada para o domingo 11 de maio, cun percorrido polos camiños de Caión (A Laracha).